Bilderbogen

raeppli line blau
Foto: Ladärne Fasnacht 1957
Sujet: Rock'n Roll
1957 Laterne 2 KS 800h
raeppli line gelb

Foto: Fasnacht 1970
Sujet: "50 Johr JBC"

Ausschnitt aus dem Zeedel:

Nai, mer hän nit ebbe bschisse,
oder suscht kai Süsche gha.
Au nit, äne, däne, disse,
dr Hit vo dr Frau Stirnimaa,
vo de Blatte zämmezellt,
dividiert durch Komma-sibe,
derzue 2 Fläsche Roote bschtellt,
und s letscht Silbergäld uffgschribe.

 

1970 Pfyffer HS 600

 

Anno nynzähhundertzwanzig
sin mer ugg em Wage ko,
doch dä Spruch wird langsam ranzig
(dasch nur wägem Värsreim so).

D Bolizei duet is dr Wage mugge
im Johr nynzähsäxedrissig,
doch mir kemme halt als Gugge,
giebt hämmer zwor gar nit flyssig.

Noch 20 Johr simmer dernoo,
mer hän lang miesse blange,
mit Drummlwn und mit Piccolo
uff d Fasnachtsroute gange.

Was nochhär kunnt isch gly verzellt,
s isch uffwärts mi is gange,
aimool e „Gwäggi", gar nit bschtellt,
im Rhy isch blibe hange.

Am Monschter vo däm Johr
simmer uff d Bihni koo,
dert fählt dr Dammbourmajor,
wo stäggt er denn au, wo?

Im Jubeljohr simmer so wyt, dass mer digg Fasnacht mache,
no 50 Johr ischs an der Zyt,
zem ab sich sälber lache.

Und gehn mer denn an Dir verby
so kasch is richtig gniesse,
aber vergiss jo nit derby
dr hinderscht Maa linggs, z griesse!

raeppli line gruen
Foto: Fasnacht 1972
Sujet: "Die Gartenlaube illustriertes Familienblatt"
1972 Pfyffer 1 HS 800

Ausschnitt aus dem Zeedel:

Ganz Basel isch zem Hysli us !
Aber nit wäge dr fuule Fasnachtsplagette -
Mir fyre-n-e Thränedriesegnuss
Vo zwai wo nit kenne und doch hyrote sette...
LOVE STORY

Au mir Bebbi hänn jetzz dr waich Närv entdeggt.
Aber nit wäge-n-em fuule Käskiechlifilmzauber -
Was uns betoniertcytigringledi Knorzi verschreggt
Isch die haimetgschitzt Fuscht im Sagg vom Lauber...
SCHLOOF STORY

Uns isch's niene meh wohl in de grafische sogge -
Uns egglet dä Märthof, dä BIZ-Schnitz, dr Baum...
Mir mien in e Summersprossefilm yne go hogge
Und finde-n-eso unsere romantische Draum - !
ZRUGG ZER ROMANTIQUE

Denn zäpfe mer haim und schluchze ins Lynduech -
Wo isch d'Nachtigallewäldelizyt anekoh ???
Mer dräggele im Seelegrund und spile dr fyn Ruech -
Numme `s Bortmeneeloch noh däm Straife isch ainewäg do!
Päng! scheschiessfilm!

raeppli line rot
Foto: Drummeli 1975, Pfeifersolo "dr Dummbeeter" 1975 Drummeli Pfyffer HS 800
raeppli line blau
Foto: Fasnacht 1984
Sujet: "Jedem Dotsch sy Swotsch"
1984 Tambure RN 800
 Ausschnitt aus dem Zeedel:

Au s Olymisch-Komitee,
bruucht Dotsch - Uhr fir in Schnee.
Hesch uff dr M Wotsch s Olympiazaiche,
kaasch vyyl besser im Schnee goo saiche.
Wenn die Blöffer seesch olympisch aaberaase,
fliege si statt uff e Wegger numme uff d Naase.

Mit däne Digitaldötsch nundefaane,
kunsch aifach olympisch niene aane.
Im haimelige Basel hänn mer noo s grosse Glygg,
dass an unsere Düürm noo kaini soo Dotsch-Uhre git.
Drum sinn mer froo, dass immer noo,
am Morgestraich duet Vieri schloo.
raeppli line gelb
Foto: Fasnacht 1989
Sujet: "Alli mache mit - mir nit
1989 Junte RN 800h

Vieresibzig mool e Sujet
Mängmool mit Witz
Mängmool wie s goot
Das kunnt im Juubeljoor
Dr ganze Glygge gspässig vor
Ganz in wyss haisst jetz d Parole
Gang go wyssi Diecher hole
Nimm Tüll und Bänder und au Glaischter
Und fertig sinn die Fasnachtsgaischte
Witz kasch nit kaufe, nit mit vyl Gäld,
s brucht Phantasie in dr Faasnachtswäld.
Mer sinn wie d Wettstaibrugg nimm nei,
drum zittere vor Fraid uns d Gnei.
Säälig dien mer d Faasnacht erlääbe,
drei Daag im sibte Himmel schwääbe
raeppli line gruen
Foto: Fasnacht 1995
Sujet: "Mir gaischtere duur d Fasnacht,
75 Joor JB Clique Santihans"
1995 Vortrab RN 800h

Ausschnitt aus dem Zeedel:

Dr Fasnachtsgaischt wird vyyl bischwoore
Wenn ebbis nit so laufft wie s sott
Doch wenn no fimfezibzig Joore
Alles goot im alte Trott
Denn sottsch Di gratze bi den Oore
Und ebbis ändere, sabberlott
Vieresibzig mool in Farbe
Gääl und grien und blau und rot
Vieresibzig mool e Sujet
Mängmool mit Witz
Mängmool wie s goot
Das kunnt im Juubeljoor
Dr ganze Glygge gspässig vor
Ganz in wyss haisst jetz d Parole
Gang go wyssi Diecher hole
Nimm Tüll und Bänder und au Glaischter
Und fertig sinn die Fasnachtsgaischte
raeppli line rot
Foto: Fasnacht 2000
Sujet: "ABBA, PAPA - AMORE E VITA"
2000 Tambure RN 800

Ausschnitt aus dem Zeedel:

Dr ältschti Verain uff däre Wält
bruucht offesichtlig no mee Gäld
und will immer weeniger Lyt in d Kirche jogge
mues dr Papa si andersch aane logge.

Als Uffdaggt git er e CeeDee usse
bim loose kasch schyynts heerlig pfuuse
Doch dr Vatikan duet kräftig wärbe
für im Hailige Vatter si erschte Schärbe
E linguistisch Maischterstygg - s isch woor
es kemme ebbe fimf Sproche voor.
raeppli line blau

Foto: Drummeli 2001
Sujet: "Z.B. 100 x QM oder Basel rollt anderscht!"

2001 Drummeli Comite B 800

Ausschnitt aus dem Zeedel:

Em Bethli sy Mamme fyyrt 100 Joohr
fir Basel isch das jo kai Gfoor
numme dr Charles stitzt d Oore und sait verdrosse:
"Ych ha dä Geburtsdaag gar nit gnosse -
wenn s Mammi glych alt wird wie s Groosi
muess ych am Änd doch wirgglig froh sy,
dass d AHV kunnt - no vor der Groone -
denn han I gnueg zem naime woone."
Us Basler Sicht imponiert am maischte
was d Brite sich für das Fescht dien laischte!

D Inszenierig isch perfäggt, s wird drungge und bloose
dr letschti Gnoche am Fäärnsee ka loose
und gseh, dass näbe dr Demokratie
numme ebbis no scheener isch - d Monarchie!
Zfriide luegsch in dr Flimmerkischte
wie me die alti Dante für dr Ufftritt duet rischte.
Di däägligi Razioon Schampannier und Gin
macht fit fyr dr Interviewtermin
und e baar Laage Make-up iiber d Falte
so kennt si scho fascht zue unsere Alte!
Di ganzi Wält isch gschpannt drby
und sait: "Isch das nit heerlig gsy?
  raeppli line gelb
Foto: Fasnacht 2002
Sujet: "SHAWNEZYT Z BERLIN - GANZ INTIM"
2002 TM HSSL 800h

Ausschnitt aus dem Zeedel:

Glanz und Glamour hett me z Bärn
im Diplomaatecorps nit gärn.
Und lacht sich eine e Miss Texas aa
denn kunnt är halt ganz eifach draa.

Doch in Berlin isch schnell ganz klaar
de Borers gfallts ganz wunderbaar.
Si faare uff ganz bsunderi Art yy
me seet si bald a jedere Party
und sie dauffe au, das gits deert nämli
e neys Berliner-Basler Drämli.
D Boulwaar-Präss macht Fotteli
bald kennt si jedes Dotteli.

Blutti Buse und langi Bai
suechsch im Bligg nimme uff dr Syte drey:
Uff em Dittelblatt zaigt d Shawn ganz logger
Härz und Nabel fir d Stuubehogger.
Wo aber d Ziirizytig schrybt
ass es d Frau Fielding iberdryybt
do "ischt dem letschten Schweyzer" klaar
was do bassiert isch ganz furchtbaar

Mir ryybe uns d Auge und frooge baff
sinn die denn alli im Hirni schlaff?
Do kunnt e Frau, seet ercht no guet us
und macht dolli Wäärbig für d Schwyz mit Gnuss
isch intelligänt, modärn und sait was si dänggt
und denn reagiert me so beschränggt.

raeppli line gruen